Je moeder is truckchauffeur truckchauffeur

Je moeder smoort pippe, 
me heroine derin al binnen, 
en ton smoort ze flutte, 
verskillende vinten, 
om ter meerst, zie ze sprinten. 
Ge kunnet rieken aan arenen asem, 
die riekt na zaad.
Al de rutten van arenen truck hjeel in wasem.
Ajet verstaat, wa dak wille zeggn, int midden van de bane.
Da kruut ga nie vergaane.
Int midden van de Carestel,
whiskey in de cecemel, antigel. Truckstop motel. 
Overnachtn in de cabine, 14 pale ale. 
Zo dronke of dat kan zinne. Ploegt ze arenen truck ieverst binnen in de vitrine. 
Ol da personeel zat chance in de cantine. 
Stuutjes vlogen deur de lucht, 
salami en bucht, thermoskan' me kaffie. 
Verspreid gelik een gerucht, tes ne tragische klucht. 
En ze e ton nog een kapsel, glik Moammar Qadhafi.

Je moeder is truckchauffeur truckchauffeur

Witte strepen ip den asfalt, 
grootste hits uit speakers, nachtradio. 
Vulln bak, allene ma klassiekers. 
Nieuwsbulletins over klene kinders, politiekers. 
Voetn ip de pedalen, zweetn in de goekoopste sneakers. 
Allemale vree poëtisch, herpakt uw Kowlier. 
Ok, tettn tettn tettn tettn tettn, bier. 
Mo ge drinkt al eens geen bier ni mi. 
Da is neffenst de kwestie. 
En oe zittet met die tettn? 
Da is vo een ander versie. 
Zo ist vree gemakkelik, tis al geen woar wadaje zegt. 
Tes eigenijks interessant, mo get nie meegemaakt int echt. 
Ket misschien nie meegemaakt, mo ket wel zelve uitgevondn. 
7 zeeën overvaren, 14 bergen ek beklomn. 
21000 galetten ek ne keer in 't bus gevonden. 
Mo nu zieje geweun aant liegen. 
Awel jongne en ton. Ik doe nog altijd wa dak wille,
want da is ier minne tekst. 
Ke zodanig vele gezeverd da min speeksel dervan kletst.

Truck dat is Engels vo camion, 
en chauffeur, dat is geen Engels, 
handn ip de gidon, Voet ip de pedale. 
3 Bennies na binn. 
Den trekker wil nie starten, 't begun nu nog te rin'. 
Ried ip na d'ottostrade, volledig overladen. 
Oververzadigd, 
aan de kant me joenen otto. 
Ik stoppe nie vo moto's. 
Ik moete na Dutsland, me een ladinge jojo's, 
gefabriceerd in Rusland.

Je moeder is truckchauffeur truckchauffeur

Weer ip de bane, ambiance in de cabine. 
Cocktail van suiker, alcohol, bifiworst en nicotine. 
Zie gie nu weer aan 't liegen? 
Kerel 't zal wel zinne. Get ier nie te piepen 'tis ier al het minne. 
Zoverre of daje kunt kiek'n, volgt tot aan de horizon. 
Otto's, uzzen en fabrieken, tis ier al min eigendom. 
Tbeste zoek nog vergeten, tes minne goudn camion. 
Ge zij mij were aant doen gaan e. 
Vint, ge zied echt Oliedom.

Hula dansereske ip et dashbord. 
Airbrush ip de deure. 
Ip't middenste vak an 92 ter ure. 
Aant stuur van eurnen DAF. Ze et altijd een beetje soif, quoi. 
Plus nen teirling aan de spiegel, tzal wel zin quoi. 
Ip kop vannet konvooi. Zout e nie gestrooid, 
ze e grote kletse plekken en aar vel e gelooid. 
Ze ried vo te leven,
ze leeft vo te rien, 
ze zoent moetn verbiedn.

Je moeder is truckchauffeur truckchauffeur

Ik belove ier plechtig dak noois me liegn in teksten,
 ge moet der nie me inzitten. Ge kunt van nu af aan relaxen. 
Kga geen slagen meer uitdelen, nie me de linksen of de rechtsen.
Wees gegroet Maria en co, ik ga noois niemand me kwetsen. 
Noois en niemand is in feite wel een dubbele negatie. 
Aaaah, kerl, echte waarheid, gie bezorgt mie eigenliks veel frustratie. 
Tmag gedaan zin vorte moeial, tes nog altijd min creatie. 
Gecreeërd uit winstbejag en een drang naar copulatie.?

met dank aan Drapke