Verse I

Ingun sa ge mino karon ki'ng kalag ko

Daw nabilanggo intawon sa usa ka damgo

Wala na masayod kung unsa ang angayng buhaton

Handumon ka ba? Kasilagan ka ba? O kalimtan na lang



Verse II

Ingun sa ge haya karon ang akung galamhan

Wala nay umoy bisan dyutay kining balati-an

Gani sa luha aku intawon na hubsan

Wala nay gahom kining dughan nga mag bangutan



Verse III

Nahugno, nagun-ob, nahunlak ang akong himaya

Nahugno, nagun-ob, nahunlak sa imong pagbiya

Walay kokalooy ako nga ge budhian

Walay kokalooy ako nga ge talikdan



Verse IV

Patay na ang gugma nga kanhi puno sa hudyaka

Patay nang pagbating nalumsan sa mga luha

Kanako wala nay bili ki'ng kinabuhi

Sukad kang nag budhi kanako akong pinili



Verse V

Busa ki'ng dughan sa hilom nangandoy na lamang

Nangandoyng matapos nalang ang tanan...



Repeat Verse IV and V (once)