Beste vrienden luisterd hier, ik ben Ronny de pompier
Ik ben nen held in het spuiten en in’t blussen
Es’ter ieveranst nen brand, seffens ben ik bij der hand
Mee mijn spuit kruip’ik overaal wel tussen

Kristel van den bakker stond in vuur en vlam
As’ek nog mor efkes in heur geburen kwam
Heur uegen schoten vier en ze viel flaa van de lust
Ik hem tem mor rappekkes heur brandje gbeblust
	En ze was hiiiiel content
	Z’eeged tegen aal heur vriendinnekes verteld



Tinne Vandermeulen, een meisken uit mijn stroat
As’ek in heur geburen kwam tén kreeg z’het gralijk kwoat
Z’hee mij in een bevlieging op mijnen mond gekust
Ik hem tem mor rappekkes heur brandje gbeblust
	En ze was hiiiiel content
	Z’eeged tegen aal heur vriendinnekes verteld



En achter d’iejen kwam d’ander bij Ronny de pompier
Ze zochten aal nen helper veur het blussen van heujer vier
En de Ronny hee’ze’aal verwend en gesust
En hee’t allemoal de brandjes geblust
	En ze woaren hiiiiel content
	Z’em’het tegen aal heur vriendinnekes verteld


      Mor de iejen ho ne maan en dei’ander ho een lief
      En die gasten die kwamen nemier on heujer gerief
      En ze vroegen heujer af, wa gebeurt’er hier
      En ze peinsden allemoal on Ronny de pompier
	En ze woaren niiiie content
	Z’emmen nor aal heujer kammeroaten gebeld

Beste vrienden luisterd hier, ik was Ronny de pompier
Ik was nen held in het spuiten en in’t blussen
Was’ter ieveranst nen brand, seffens was ik bij der hand
Mee mijn spuit kroop’ik overaal wel tussen.