Pagkagising ko sa umaga
Balita sa dyaryo ang nakita
Wala pa ring pinag iba
Karahasan ang makikita

Anong klaseng pamumuhay
Kaguluha'y wala na bang humpay

Ako'y napadaan sa isang kanto
Marami ang nag kakagulo
Tsismis pala ang kanilang punto
Paninira sa kapwa tao

Bigyan naman natin ng pag asa
Ang mga taong nangangapa

Ang mundo ay umiikot
Wag ka sanang malikot
Baka ikaw ay mahulog
Hindi ka ba natatakot
Na ikaw ay matawag na salot

Nakita ko ang dating kaibigan
Agad niya akong nilapitan
Nagbago na ang kanyang katawan
Dahil sa bisyong di maiwasan

Bakit kay rami satin ang ganito
Sarili ay inaabuso