Ge zit ze nog zaat in ow leave
ze zitte allien niemand kiek nar ze um
ze griepe d'r altied net neave
ze vroage zich tien kier per daag af wurrum
wurrum giet 't noeits zoe als ik 't wil
ze werke te hard hebbe noeit genne cent
en als ze wat zegge dan wuurd alles stil
ze doon wat ze doon op 't verkierde moment

Ge kumt ze nog duk zat teage
altied goj zin maake zich noeit echt druk
noeit um un grapje verleage
ze hebbe van alles en altied geluk
ze proate te hard en ze lache te veul
en met probleme zien ze zoe kloar
wat ze neet snappe dat is flauwekul
en wat ze neet wiete is miestal ni woar

D'n iene di rent vur zien leave
d'r ander wandelt hiel rustig vurbeej
heej zuj d'r alles vur geave
en heej zet ze mooge 't hebbe van meej
woar ge ok loept en wat ge ok bint
niemand di zet ow wat good is of slecht
niemand di zet wie verluust of wie wint
ge komt op 't end bij ow zelf terecht