Strofa:

Si,

profumata è ‘a profumiera!…

Si, si,

elegante è ‘a mannequin!…

‘A ragazza d' ‘a butique

molto bella e molto “scicche”

ma non m'incantano,

non sono articoli per me. 


Ritornello:

‘A farmacista è ‘a passiona mia,

tutt' ‘e matine passo p'a vedè

e traso e ghiesco a dint' ‘a farmacia

e tengo ‘e sacche chiene ‘e pillole e cachet.

Ma quant'è bella sta farmacista,

tene ‘na vocca ca me fa ‘mpazzì,

me tocca ‘a mano quando mi dà il resto…

chella ‘o ffa apposta e se diverte a ffa accussì.

Io sto buono di salute,

c'aggia fa cu' ‘e medicine?…

Io me sento ‘nu lione,

tengo ‘o sangue dint' ‘e vvene

ma quando ‘a vveco ‘a freva me piglia

e me saglie a quaranta e me sento ‘e murì.

‘A farmacista è ‘a passiona mia,

tutt' ‘e matine passo p'a vedè

e traso e ghiesco a dint' ‘a farmacia

e tengo ‘e sacche chiene ‘e pillole e cachet.