Kinst sy noch ús âlde freonen, seachst ek hoe 't de leafde stoar 
fjouwer slim fereale steltsjes, en gjinien mear byelkoar 

Piebe tref ik soms by 't keatsen, winters is 't myn ridermaat 
mar noait mear samar del om kofje en allinne ôfwaaid praat 

Wêr binn' sy bleaun ús kameraden, wat koene wy in wille ha 
in soad op stap sa mei syn achten, de takomst lake ús sa ta 

Ik wol as frou en man, each yn each, gjin harnas, gjin fizier 
iepen, earlik, alles sizze, neaken, bleat en wier 
myn siden festje, dat bisto, wêr 't ik waarm genôch by bliuw 
as frou en man, stiif liif oan liif, begjinne oan in nij bedriuw 

Ferjitte sil 'k sy nea ús ploegje, mar wat is der fan bleaun 
dy freonskip wie faaks net te stjoeren, mei 't ferline is 't fuortdreaun 

'Jim ferkearing, dat wurdt neat', sa ha sy ús faak sein 
mar al dy pearkes út dy tiid rûnen stadichoan op 't ein 

En ik wol as frou en man, each yn each, tegearre troch de tiid 
gjin smink, gjin maskers, gjin toaniel, dat bringt allinne striid 
as broek en festje fierder troch, kom jou it noch in triuw 
as frou en man, stiif liif oan liif, begjinne oan in nij bedriuw 
begjinne oan in nij bedriuw