Ddoje lampetelle addó ll'uoglio è ll'ammore
Cchiù mm' 'e gguardavo e cchiù mm'annammuravo
Redévano 'e nnennélle 'e 'st'uocchie d'oro
Quanno, astrignuta a me
Dicive: "Sì"

Uocchie addó s'è perduta 'a vita mia
Uocchie ca mo' parlate a chisà chi
Cchiù ve guardavo e cchiù ero felice
Redévano 'e nnennélle 'e 'st'uocchie d'oro
'E st'uocchie d'oro

Ddoje fèlle 'e luna 'mmiez'ô cielo scuro
Cchiù mm' 'e gguardavo e cchiù mm'annammuravo
Redevano 'e nnennélle 'e 'st'uocchie d'oro
Quanno, astrignuta a me
Diciste: "Sì"

Uocchie addó s'è perduta 'a vita mia
Uocchie ca mo' parlate 'e chisá chi
Cchiù ve guardavo e cchiù ero felice
Redévano 'e nnennélle 'e ll'uocchie d'oro
'E ll'uocchie d'oro