n stuk of wat vratten op dien baaide linkerhanden 
n haile dikke poest op dien rechterbil 
en in dien mond doar ontbreken n poar tanden 
ast wat tegen mie zegst din vlaigen de sputters op mien bril 

vieze vette hoaren dai vind ik voak in keuken 
peuterst in dien neus, ast eten veur mie kookst 
kroep ik op bèr din vind ik van die gore peuken 
omdastoe veur het sloapen eerst nog n sigaretje rookst 

moar het gekke is wicht, mit die bin ik tevree 
want zoas doe is der in t haile land gainain 
nee t gekke is gré, mit die bin ik tevree 
al is t ook nait aaltied rozegeur en moaneschien meschain 

heb ik mien salaores an t end van moand weer kregen 
din wor ik doar deur die al snel weer van beroofd 
kom ik die even loater in dien nije bontjas tegen 
din krieg ik mien moandelekse smok zoäs beloofd 

zo binnen wie nou alweer joaren bie nander 
we blieven echt veur aains en aaltied man en vraauw 
nee ik wil die echt nooit meer omruilen veur n aander 
ik zol het ook nait duren want doe slougst mie bont en blaauw 


(c) tekst & muziek P. de Haan