Facite comm'a me, senza timore:

cufféjo pure 'a morte e 'a piglio a risa...

Io só' cuntento meglio 'e nu signore

pecché tengo una faccia e una cammisa...


E quanno metto 'a lengua 'int''o ppulito,

che ne facite 'a lengua 'e nu paglietta!?

Embé, quanto stimate 'a palla 'e vrito,

chi vò' stá buono, ha da sapé 'a ricetta!


Si ll'ommo tutt''e cchiacchiere

vulesse sentí dicere,

quanta fasule e cícere

se mettarría a scartá!


E si tenite 'a freve,

lassáte stá 'o cchinino...

Addó' sta 'o mmeglio vino,

'o gghiate a pigliá llá!


Ce steva nu scarparo puveriello,

chiagneva sempe ca purtava 'a croce...

'A sciorte lle scassaje 'o bancariello

e pe' se lamentá...perdette 'a voce!


Quann' è 'a staggione, vaco ascianno sulo

na bona fritta 'e puparuole forte...

Nu piezz''e pane, 'nziem'a nu cetrulo,

e 'o riesto, 'o vvotto dint''a capa 'e morte!


Che tengo 'e figlie o aggi''a penzá ô pesone?

I' faccio ogne arte e ghièsco p''a campata!

Si è p''a lucanna, sott'a nu bancone,

se dorme frisco e puó' passá 'a nuttata...


Riguardo ô ttaffiatorio,

mm''a scorcio bona 'a máneca

e addó' se vénne 'agliáneca,

truvate sempe a me!


Menammo tutto a buordo

fintanto ca se campa:

Dimane, forze, 'a lampa

se putarría stutá...


Che brutta cosa ch'è a tirá 'a carretta

quanno nisciuna mano vótta 'a rota!

Nun sèntere cunziglie, nun dá retta,

ca senza ll'uoglio chella nun avota!


Pe' spartere aggio avuto quacche botta

ma nun mme sóngo miso maje paura!

na vota, 'int'a n'incendio a Foregrotta,

salvaje, 'a dint''o ffuoco, na criatura...


Quann'i' só' muorto, ll'hann''a aizá 'sta crapa!

Nisciuno chiagne, manco p''o mumento...

Ll'esequie è bello e pronto: 'ncapa e 'ncapa

e vaco â sala e Ricanuscimento!


Quann'è fernuta ll'opera,

pezzente o miliunario,

s'ha da calá 'o sipario

e s'ha da arricettá...


Pe' chesto, 'o servo vuosto

Tatonno 'e Quagliarella,

'o ccisto 'int''a garsèlla,

nun s''o ffa maje mancá...


E quanno 'o libbro mio sarrá fernuto,

nisciuno diciarrá si è bello o brutto...

Ma, primma 'e ve dá ll'urdemo saluto,

ne voglio n'atu litro...'e chell'asciutto!

 

Fate come me, senza timore:

prendo in giro anche la morte e la butto in ridere…

io sono contento più di un signore

perché ho una faccia e una camicia…


E quando mi metto a parlar bene,

non c'è paragone con il parlare di un avvocato?!

Ebbene, per quanto credete nel futuro,

chi vuole star bene, deve sapere la ricetta!


Se l'uomo tutti i pettegolezzi

volesse ascoltare,

quanti fagioli e ceci

dovrebbe scegliere!


E se avete la febbre,

lasciate perdere il chinino…

dove c'è il vino migliore,

là andate a prenderlo!

C'era un ciabattino poveretto,

piangeva sempre che portava la croce…

La sorte gli ruppe il banchetto

e per lamentarsi… perse la voce!


Quando è l'estate, vado cercando solo

Una buona frittura di peperoni forti…

Un pezzo di pane, insieme ad un cetriolo

Ed il resto, non mi interessa per niente!


Forse ho figli o devo pensare alla pigione?

Io faccio tutti i mestieri ed lavoro per vivere!

Se è per l'alloggio, sotto un banco,

si dorme al fresco e puoi passare la notte…


Per quanto riguarda il bere

sono sempre pronto

e dove c'è il miglior vino,

mi trovate sempre là!


Buttiamo tutto a bordo

finché si vive:

Domani, forse, il lumicino

potrebbe spegnersi


Che brutta cose è tirare il carro

quando nessuna mano gira la ruota!

Non ascoltare consigli, non dar retta,

che senz'olio quella non gira!


Per dividere i litiganti ho avuto qualche botta

ma non ho mai avuto paura!

una volta, in un incendio a Fuorigrotta,

salvai una bambina dalle fiamme…


Quando sarò morto, dovranno togliere questa carcassa!

Nessuno piange, neanche un momento…

I funerali sono già pronti:

funerali del comune.


Quando è finita l'opera,

povero o milionario,

si deve abbassare il sipario

e si deve rassettare…


Per questo, il vostro servo

Tatonno 'e Quagliarella,

l'olio nella lampada,

non se lo fa mai mancare…


E quando il mio libro sarà finito,

nessuno dirà se è bello o brutto…

Ma, prima di darvi l'ultimo saluto,

ne voglio un altro litro… di quello secco!