Die vischer van mien, enk zo gèèren gezien
j' em me leven voar oltied gemakt
Ja die vischer van mien, j'ed ook vele ofgezien
mè ze schip, met de zèè en mè mien
 
Jè ze vel geriskèèrt en d'orkaan' getrotsèèrt
jè gevochten op leven en dood
Jè de zèèwolf gezien
jè veel zèèr moeten lien
voe e klein bitje smèèr op z'n broad
 
Die vischer van mien, ah da moest je e ki zien
t'was e reuze, e vint lik e boom
ja je was 't visje wèèrd en j'a macht lik e peerd
je kost sjouwen, da was moar e droom
 
Kwamten e dag an de wal,
giengten goed an de rol, 
en je zoop toe e stik in de nacht
moar al gingten ze gang
k'en ik oltied pertang
hèèl olleen op me vischer gewacht
 
Die vischer van mien
'k en em nooi mi gezien
j'is gebléven mè man en mè muus
j'is vertrokken noa zee 
en ze schip brak in twèèn
op e klippe zo verre van uus
 
'k En veel ertzèèr gevoeld
j'is zelfs nooit angespoeld
j'is gestolen voa oltied, van mien
 
Ja die vischer van mien
enk zo gèèren gezien
ja 't is woar,veel te gern misschien
ja 't is woar, veel te gern misschien