Het was een maghet uutvercoren,
Daer Jesus af woude sijn gheboren
Dies ben ic vro, o, o, benedicamus Domino!
 
Die engel was een bode goet.
Hi quam neder metter spoet.
Dies ben ic vro, o, o, benedicamus Domino!
 
Hi seyde: ‘God groet U suver maghet;
Ghi sijt die Gode welbehaghet’.
Dies ben ic vro, o, o, benedicamus Domino!
 
Hi wil van u gheboren sijn,
Jesus Christus, die meester mijn!
Dies ben ic vro, o, o, benedicamus Domino!
 
Die heylighe Gheest sal in u comen,
Ghelyc den dau valt op die bloemen.
Dies ben ic vro, o, o, benedicamus Domino!
 
Maria weset onversaecht
Het is die Gods Sone dyen ghi draeght.
Dies ben ic vro, o, o, benedicamus Domino!
 
Maria viel neder op haer knie’n
‘Den wille Gods moet mi gheschie’n!’
Dies ben ic vro, o, o, benedicamus Domino!