Een kint geboren in Bethlehemverblidet alle Jerusalem.
Amor, amor, amor, amor, quam dulcis est amor.
Die sone nam die menscheit an die biden vader comen can.
Amor, amor, amor, amor, quam dulcis est amor.
Doe Gabriel die engel quam, die joncfoue doe den sone gewan.
Amor, amor, amor, amor, quam dulcis est amor.
Een  brudegom uut sine cameren gecomen sonder jameren.
Amor, amor, amor, amor, quam dulcis est amor.
Si lechden in een cribbekijn des ewigen vaders soenekijn.
Amor, amor, amor, amor, quam dulcis est amor.
Die os ende esel die hebbent geweten, mer dat dit kint is Jhesus geheten.
Amor, amor, amor, amor, quam dulcis est amor.
Die engelen songen doeter tijt, die hierdekens waren mede verblijt.
Amor, amor, amor, amor, quam dulcis est amor.
Die menschen inder eerden mede ende die gelovigen cregen den vrede.
Amor, amor, amor, amor, quam dulcis est amor.
Die coningen quamen uut oesten lande ende brachten mit hem oer offerande.
Amor, amor, amor, amor, quam dulcis est amor.
Sij gingen daer te samen in ende grueten dat nije kindekijn.
Amor, amor, amor, amor, quam dulcis est amor.
Mit den enghelen wille wi singen ende laten onse herten in vrouden springen.
Amor, amor, amor, amor, quam dulcis est amor.