Gin ye'll marry me, lassie,
At the kirk o' Birnie Bouzle,
Till the day ye dee, lassie,
Ye shall ne'er repent it.

Ye shall wear when ye are wed
A kirtle and a hieland plaid,
Sleep upon a heather bed
Sae couthie and sae canty.

Ye shall gan sae braw, lassie,
Tae the kirk o' Birnie Bouzle,
Little brogues and a', lassie,
Vow! but ye'll be canty.

Yer wee bit tocher is but sma',
But hodden gray will wear for a',
I'll save my siller tae mak' ye braw,
Ye shall ne'er repent it.

We'll ha' bonnie bairns and a',
Some lassies fair and laddies braw,
Like their mother ane and a',
And yer father he's consented.

I'll hunt the otter and the brock,
The hart, the hare, the heather cock,
I'll pull ye limpets frae the rock
Tae mak' ye dishes dainty.