Ghjustu nantu à un fogliu
Di carta bianca
T'aghju scrittu à pena

Trè parulle d'oru
A una branca
Cullane di rena

Quandu nimu sente
Una alma leghje
Chì l'alba si chjina

U mio core torna
Un si ne reghje
È po t'imagina

Tù Mi Manchi
Tù Mi Manchi
Tù Mi Manchi

Trè parulle d'oru
D'amore puru
Ch'è ti vogliu dà

Ùn ci hè locu bellu
È più sicuru
Ch'eo possi truvà

Torna à pena d'oghje
È di futuru
Chi t'aspettarà

Tù Mi Manchi
Tù Mi Manchi
Tù Mi Manchi