Et passeet mir immer widder,
dat ich mein, dat ich eine kenn‘
Wie wor dann noch dä Nome?
Dä fällt mir jrad nit en.
Kenn´ ich dä von fröher?
Vielleich‘ vom Jymnasium?
Oder etwa us emm Fernseh‘?
Von X-Ypsilon?

Wer is‘ dä Typ? Muss mr dä kenne?
Dä han ich doch schon – irjendwo jesinn?
Wer is‘ dä Typ? Künnt dä vielleich‘ jet brenge?
Vielleich‘ sullt ich zo ihm einfach fründlich sin

Et jitt Minsche, die bejröße mich,
als wöre mer verwandt.
Esu mit Schulder kloppe 
dobei völlig unbekannt.
Die Schlimmste sin die Type,
aan dr Thek‘, die jrad erus,
kein Hemmunge, ze froge han:
Saach jiste eine us?

Wer is‘ dä Typ? Muss mr dä kenne?
Dä han ich doch schon – irjendwo jesinn?
Wer is‘ dä Typ? Künnt dä vielleich‘ jet brenge?
Vielleich‘ sullt ich zo ihm einfach fründlich sin

Et letz‘ do es et mir jet passeet 
noh ’ner durchzechten Naach.
Do ben ich murjens en ’nem fremde Zimmer opjewaach.
Ich han jedaach, mich triff dä Schlaach,
ich wör noch immer blau
Do nevven mir looch einer
un dat wor nit ming Frau!

Wer is‘ dä Typ? Muss mr dä kenne?
Dä han ich doch schon – irjendwo jesinn?
Wer is‘ dä Typ? Künnt dä vielleich‘ jet brenge?
Vielleich‘ sullt ich zo ihm einfach fründlich sin

Wer is‘ dä Typ? Muss mr dä kenne?
Dä han ich doch schon – irjendwo jesinn?
Wer is‘ dä Typ? Künnt dä vielleich‘ jet brenge?
Vielleich‘ sullt ich zo ihm einfach fründlich sin