stempel stempel ip min uofd
hoe komt dat idderjin u geluoft
niemand weet er 't finne van
en niemand die 't vergeten kan

ik è ne stempel ip min uofd
kè van olles geprobeerd
moar ie goat er ni mjir of
't wordt soms fin geformuleerd
moa doamee voel et nie minder grof
ge moe verstoan, ik woa nog joeng
lik dad idderjin is gewist
ondeurdacht en onbezonnen, d'apejaren èk ni gemist
en ol 't slichtste èn ze ier ontoedn
hier int dorp en in de streke goat er nuoi nen dag vuorbie
da kik skjif worde bekeekn, da ne vinger wiest noa mie
wien daj zit, beslissen anderen vo gie

stempel stempel ip min uofd
hoe komt dat idderjin u geluoft
niemand weet er 't finne van
en niemand die 't vergeten kan

stempel stempel ip min uofd
hoe komt dat idderjin u geluoft
niemand weet er 't finne van
en niemand die 't vergeten kan

moar ik ljirde iemand kenn, 't was een echte goe madam
ut een dorpke in dardenn moa ze kost e bitje vlams
en die stempel kost ze zie nie zien
ik ging ne kji noa doar en zie kwam ne kji noar ier
ik noa hunter vo de rust, zie noa toezes voa 't vertier
dus ik zat e kir ip 't pling met meiske va min druomn
moa der kwam iemand nor oes, zag da 'k ip eur wa gesteld
die zei, madam, 'k ben nie jaloes, moa jèt u nie alles verteld
ze ston rechte en zis nuoit mi weergekomn

stempel stempel ip min uofd
hoe komt dat idderjin u geluoft
niemand weet er 't finne van
en niemand die 't vergeten kan

stempel stempel ip min uofd
hoe komt dat idderjin u geluoft
niemand weet er 't finne van
en niemand die 't vergeten kan

ik doe toch goeie werk, en ik zette mie toch in
't is roar zegn van jen eign, moar ik vin da'k er best wel meuge zin, da'k er best wel meuge zin
ik doe toch goeie werk, en ik zette mie toch in
't is roar zegn van jen eign, moar ik vin da'k er best wel meuge zin, da'k er best wel meuge zin

stempel stempel ip min uofd
hoe komt dat idderjin u geluoft
niemand weet er 't finne van
en niemand die 't vergeten kan

stempel stempel ip min uofd
hoe komt dat idderjin u geluoft
niemand weet er 't finne van
en niemand die 't vergeten kan

ik goa verre moetn reizen, ier vuor oaltid ut het zicht
da'k geweun moa moete peizn an wa datter vuo mie ligt
want 't verleedn dadèt oaltid mjir gewicht, oaltid mjir gewicht