ciao beo, conosso ben ea' rassa

ciao beo, fame un ciamo co ea' te passa

ciao beo, e a tuta che altra xente?

Herman medrano piu' fisso e tacchente


cueo che se dispera parche' fora ea' xe na guera

el dise "mi so fora", ma par mi el xe in gaera

cueo che evidensia cueo che ghe intaressa

che te stressa, anca sensa confidensa

cueo che a paroe se dise senpre pronto

ma co xe ora del conto se parecia ben sconto

cueo che pal scheo se presenta col corteo

el se dise to fradeo e pa da drio ga el manganeo

cueo co ea' morosa, na brava tosa, na bea sposa

e iu' te o se che invesse xe na nosa

cueo che ea' voria senpre sol forneo

sul masteo a lavare el paneseo del puteo

cueo che no riesse trovare da straviasse

e ogni roba ch'el vede xe na scusa pa agnasse

cueo che se convinto che sia xa tuto scrito

macaco, se no i te o ga gnancora dito


cueo che se scoiona e in finae te scoiona

e ogni scusa xe bona pa mandare tuto in mona

cueo che se desmentega da dove ch'el vien fora

fin ieri so na busa e se sveiava bonora

cueo che te se che propio no se ne fa gnente

el ga e recie pa e stanghete ma me sa che nol ghe sente

cueo che te parla e te vien ea' freve

cueo che riva co i amighi, ma caveve

cueo che stamattina insima el scabeo

ga assa' tacuin, reoio e anca el sarveo

cueo fastidioso come e onge del gateo

cueo che spara monade come el tiro al piateo

cueo bueo, cueo porseo cueo cameo

cueo modeo, si,si,si propio cueo

cueo che te speri che no gabia un xemeo

cueo che casca a peneo pa sto ritorneo


cueo che aea domenega te ciama al celulare

cussi' tanto pa spacare: cossa ierito drio fare?

Cueo che sta do ore col deo sol canpaneo

co te si drio partire el te se ferma sol canceo

cueo che te imbroia co ea' coa de paia

cueo che fa el canaia e in do e do cuatro se scuaia

cueo che se vede messo mae e ciama aiuto

se te gheo domandi ti invesse nol ga un minuto

cueo che fa de tuto, ma e xe do robe in crose

comenti ad alta vose e fa el figo co e tose

cueo che xe na supa e in do minuti xa se stufa

e se na roba no ghe comoda el te tira su ea' barufa

cueo che no ea' ghe viaia el se incassa col sbaia

el se crede na scheia ma par mi el xe na scaia

cueo che fa promesse sol iasso, par mi 

el ga un pie' so un fontanasso e xe drio cascare basso