Dites moi ou, n'en quel pays

Est Flora la belle Romaine,

Archipiades, né Thaïs

Qui fut sa cousine germaine,

Écho parlant quand bruit on maine

Dessus rivière ou sus estant

Qui beaulté ot trop plus qu'humaine.

Mais ou sont les neiges d'antan?

Qui beaulté ot trop plus qu'humaine.

Mais ou sont les neiges d'antan?

Ou est très sage Hélloïs,

Pour qui chastré fut et puis moine

Pierre Esbaillart a Saint Denis?

Pour son amour ot ceste essoyne.

Semblablement, ou est royne

Qui commanda que buridan

Fut geté en ung sac en Saine?

Mais ou sont les neiges d'antan?

Fut geté en ung sac en Saine?

Mais ou sont les neiges d'antan?

La royne blanche comme lis

Qui chantoit a voix de seraine,

Berte au grand pié, Bietris, Alis

Haremburgis qui tient le Maine,

Et Jehanne la bonne Lorraine

Qu'Englois brûlèrent a Rouan;

Ou sont ils, ou Vierge souveraine?

Mais ou sont les neiges d'antan?

Ou sont ils, ou Vierge souveraine?

Mais ou sont les neiges d'antan?

Prince, n'enquérez de sepmaine

Ou elles sont, ne de cet an,

Qu'a ce refrain ne vous remaine:

Mais ou sont les neiges d'antan?

Qu'a ce refrain en vous remaine;

Mais ou sont les neiges d'antan?