Bie ós aan de moer hingt 'n sjilderie
van Selen Cobben Hein
Selen is 'n gehucht, Cobben haet mit de boerderie te make
En veur ènne
grootvader waar Hein 'n bietje klein
Hae waar de vader van mien vader
Ich kin neet zègke det ich 'm good höb gekós
Maar as kiendj veulde se det idderein nao 'm loesterde
Aan dae kantj van die familie van ós

En tante Mie vertèlt det hae mós gaon wèrke
Geliek nao de legere sjool
Zien mam waar toen net dood
Det d'r sjmorges vreug in 't duuster nao de fabriek vertrok
'm dao sigare te make mit väöl mismood

Toch vónj ich 'm ènne zaachte aje man
Dae nooit al te väöl zag
En in de sjuur bie 't kippevoor dao hóng ènne tropenhelm
Ich höb altied gedach det Ome Piet dem oet Indië hat mitgebrach

Ich zeen opa veur mich
In det café dao baove in d'n hemel
Wo 't altied zóndig is
En hae hoof nooit meer wèrke
Hae hoof nooit meer nao de vespers
En ouch nimmeer nao de hoogmis
En hae neuriet zaach mit:
En bie oze Ome Martien dao hadde ze ènnen biljart
En bie Ome Bert sjtóng veur de deur 'n rieke klump en sjoon Ome Tun waar
bie de sjötterie
En van hem en Tante Mie kreeg ich dit fotobook
Wie ich de plechtige kommunie mósde doon

Ome Sjeng en Tante Nel vertrokke nao Canada
In 't jaor van de watersnood
Mien mam is dao nog gewaes mit de wereldtentoonsjtelling
Ich móch neet mit en ich waar héél kwaod
Det wei ich nag good

Ich zeen ze veur mich In det café dao baove in d'n hemel
Wo 't altied zóndig is
Ze hove nooit meer wèrke
Ze hove nooit meer nao de vespers
En ouch nooit meer nao de gómmis
En ze zinge zaach: