die hoofkantoor
'n ereksie wat skeur
deur die vuilwolk vlies
van die horisonlyn
die maatskappy is lief vir my

sonder voorbehoedmiddel
penetreer die sade van gulsigheid
multinasionale besigheid
die nuwe oorsprong van waarheid

ek wil uitverkoop
rock 'n roll
wat ookal
miskien sal die koerante 
'n artikel daaroor skryf
ek vertrou in die status quo

dit was my plesier
regstellende aksie pla my nie
ek sal my eie manier kry
inboorling of indringer spesie
ek vertrou nie mense nie
ek druk my kardeur knoppie af
as ek voor die verkeerslig wag

ek's nie paranoies nie
miskien net 'n klein bietjie