'n Baie algemene mens 
met baie algemene woorde 
in 'n algemene huis 
kweek algemene drome 
'n Dosis pynverdowers 
op die ou einde van die dag 
is dit seker maar 
al wat jou gelukkig maak 

En oor en oor 
'n monoloog in stereo 
op 'n mooi dag 
soos vandag 

Ek wonder soms 
Soms wonder ek 
Die son skyn gelukkig 
Gelukkig skyn die son 

'n Baie standaard geesteskluis 
waarin ek myself toesluit 
Die herlewing was toe net korttermyn 
Ek het by die agterdeur uitgegly 
As jy voel jy moet, dan moet jy 

As daar soveel van ons is 
hoekom sal enige iemand jou mis