Proud Maisrie stands at her faither's door
As straight's a willow wand
And syne there cam' a gairdner child
Wi' a red rose in his hand, his hand
Wi' a red rose in his hand

“O ye shall hae my rose, fair maid
Gin ye'll gie your flooer tae me
And amang the flooers o' your faither's yard
I'll mak' a gown for thee, for thee
I'll mak' a gown for thee"

“The lily white shall be your smock
Becomes your body neist
And the marigowds shall be your stays
Wi' a red rose at yer breist, yer breist
Wi' a red rose at yer breist"

“Your gown shall be the smelling thyme
And your petticoat camowine
And your apron o' the soladene
Come, kiss sweetheart, and join, and join
Come, kiss sweetheart, and join"

“Your gloves shall be the clover flooer
That springs in yonder wan
And I'll sew them wi' the blue blevets
That graws amang my lawn, my lawn
That graws amang my lawn"

“Your feet I'll shod wi' yon red rue
That graws in the gairden fine
And I'll line them wi' the tapetan
So join your live wi' mine, win' mine
So join your live wi' mine"

“Since you hae made a gown for me
Amang the simmer flooers
It's I will mak' a suit for thee
Amang the winter shooers, the shooers
Amang the winter shooers"

“The milk-white snaw shall be your sark
And lie yer body neist
And the mirk-black rain shall be your coat
Wi' a wind gale at your breist, your breist
Wi' a wind gale at your breist"

“The horse that ye shall ride upon
Shall be the winter snell
And I'll bridle him wi' some Norland blasts
And some sharp shooers o' hail, o' hail
And some sharp shooers o' hail"

“The bonnet's that be upon yer heid
Shall be the Southron grey
And every time that ye pass by
I'll wish ye were away, away
I'll wish ye were away