Vègn’ tot chal,
Dji so tot seû a l’ mohone.
N’a pus nouk qui m’ tèlèphone.
Dispôy qu’èll’a fêt s’ paquèt,
Dj’a vôrmint ine påye di rwè.
	
Vègn’ tot chal,
On djåz’rè dès feumes èt dès toûrs, qu’èles nos fèt.
Avans-gn’ tant mèzåhe d’amoûr ?
Po roûvî l’ cisse qu’on vint d’ piède,
Ènn’a dîh ôtes qui ratindèt a l’ pwète.
	
Vègn’ tot chal,
On troûv’rè bin ‘ne botèye divins ‘ne cwène,
Ine botèye qu’on beûrè a l’ couhène,
Pusqui n’a qu’ la, po s’achîr,
Qu’èll’a lèyî deûs’ treûs tchèyîres.
	
Vègn’ tot chal,
D’abôrd, ci n’èst måy qu’ine faflote.
Qwand, so mi-oûy, rôl’rè ine pitite gote,
Ti sèrès bin binamé
Di t’ toûrner di l’ôte costé.
	
Vègn’ tot chal,
Dji so tot seû è m’ mohone.
N’a pus nouk qui m’ tèlèphone.
Dispôy qu’èll’a fêt s’ paquèt,
Èt bin, dj’a vôrmint ine påye di rwè.