Poqwè n' so-dje nin
Li ci qu' t'inmes seûl'mint?
Dji lî rèpètéve si sovint.
«On vik'reût tot seûs,
On d'meûrreût nos deûs.
Fåt-i tant cori po-z-èsse ureûs?»

Dj'èl ratindéve : à fwèce di rôler
Tote nut' èll'a rèscontré Roger.
C'è-st-ine bouhale,
I n'inme qui l' football.
Assuré:
Ele va morfler.

C'èst bièsse à dire:
Dji n'èl pou roûvî.
C'èst si målåhèye di n' nin r'vèyî
Totes sôrts di moumints,
Dès djèsses èt dès djins,
Dès-afêres qui n' si racontèt nin.

Adon dj'a pris in-êr dè vîx timps
Et di' li a fêt on dièrin prézint.
Mins dji n' djeûre nin,
S'èle riv'néve dimin,
Qu' dj'èl djow'reû
Por lèye seûl'mint.