Dji si l’ foyant, dji so l’houyeû,
È vosse cot’hê, dji trawe, dj’oûveûre.
Mins si dj’ vins foû, 
Èt qui dji m’ veû,
Dji r’mousse è beur !

On m’ lome dès fèyes mårtê dè diâle.
Dji make å front lès p’tits-èfants.
Mins qwand j’ènnè veu onk come ci-cial,
Dji m’ sins mètchant.

Li pourcê d’ cåve è-st-on pouyeû :
Di lu, v’ n’årez nin ine miyète.
Dè côp qu’i veût 
L’ min d’on bribeû,
I sére si pwète !

Dji m’ dimande bin poqwè l’ honène
Qui n’èst måy qu’ine breûsse à mous’mints,
Raviz’reût  ine 
Frumèle di tchègne,
Sorlon l’z-Ancyins. 

À tote tchanson, i fåt ine cowe.
Djåz’rans-gn dès bådèts, dès fås-tchins ?
Nonna, non pus qu’ dès sansowes.
Vos v’ porîz co 
Ric’nohe divins.


origineel : GROUNDHOG BLUES van SONNY BOY WILLIAMSON