Mi vola al cwène dèl rowe
Divant lès Guîy’mins.
Divant mi gn-a ‘ne cowe
Di totes sôrs di djins
Qui m’ loukèt dèl tièsse ås pîds,
Come on f’reût d’on vê,
Èt qui s’ mètèt a gueûyî :
«I lî måque on bwès!»
	
Rèspleû
Dj’a on trô è m’ cèrvê,
Dj’on trô è m’ bûzê,
Dj’a on trô è m’ boyê,
Dji n’ beû pus nole bîre.
Dj’a on trô è m’ cèrvê,
Dj’a on trô è m’ mustê
Dj’a on trô è m’ wahê,
Dji n’ beû pus nole bîre.
	
Dji pou dîre qui dj’ so
‘ne pèrsonalité,
Ca dji m’invite tot-avå,
È l’ mèyeûse dès sôciètés.
Mins a ponne so-dj’arivé,
Qu’ ça n’arèstèye pus,
Ca dj’ètind : «On n’ pout
Wårder onk come lu!»
	
L’ôte djoû a Brussèles,
Plèce dès Palais,
Dj’ arinnèye li santinèle :
« Dji vou veûr li rwè ».
L’ôte mi dit : «Sûvez-m’,
Ca i vos ratind.»
Mins Albert mi fêt :
«Ci-la, dj’ nèl vou nin !
Ca il a on trô è s’ cèrvê,
L’a on trô è s’ buzê, etc.»