Ik bin hier geboren, ik proat din ook plat
Mor 't lezen en schrieven, ja dat is mie ja wat
Ik heb dat noeit leerd, dus dat is niks veur mie
Ie waaiten hou 't gaait, ja din blift 't ter voak bie

Is 't puutoal mit oa of sums mit ao
Ie kieken noar de regel, din wait je dat zo
En loat dizze raais nou de moud es nait zakken
As je ainmoal begunnen, he'j de smoak zo te pakken

Ie waiten dat de mainsten wel Grunnegers kinnen
En nou waiten ie ook dat doar regels veur binnen
Dij helpen joe bie 't proaten, bie 't schrieven en lezen
't Het veuls te laank duurd, dus 't mout nou mor wezen

Is 't puutoal mit oa of sums mit ao
Ie kieken noar de regel, din wait je dat zo
En loat dizze raais nou de moud es nait zakken
As je ainmoal begunnen, he'j de smoak zo te pakken

Helpt klukje of klokje 't maist tegen de kol'
'n Podje het broek vol da's aans wat as vul
'n Lichoam, 'n lief, 'n pokkel of 'n pens
Wie zeggen Godlinze, mor doar zegt men Glins

Is 't puutoal mit oa of sums mit ao
Ie kieken noar de regel, din wait je dat zo
En loat dizze raais nou de moud es nait zakken
As je ainmoal begunnen, he'j de smoak zo te pakken