nie de'n eesten, nie de latsten, moar etwoaschen in de middel
nie de traagsten, nie de rapsten, nie meer dan gemiddeld
da's wa da'j zyt en je stoat an de kant
moar 'tis nie wa da'j wilt, omda'j beter kan
zit j'etwoaschen tuschenin ?, we zitten doa met veele
met elk ze problem, en niks te beleven
we peinzen da we weten hoe da't moet
en bluven assan steken moar da doet er nie toe
de beste goa we misschien nooit zyn
moa d'r goan d'r assan zyn die slichter zyn
nie de langsten, nie de kortsten, en nie te enthousiast
nie de slimsten, nie de domsten, moar ook nie meer dan da
we zyn wie da we zijn en doen ook moar etwa
a't slicht goat goat traage, a't goed goat te rap
en we zou'nt wel anders willen moar zien gin begin
't einde is nie in zicht, etwoaschen tuschenin

zit j'etwoaschen tuschenin
't is ok, 't is gin problem
d'r zyn d'r veele just gelik us
allemall' up zoek noar rhuis

nie d'n hardsten, nie de zachtsten, moar etwoaschen in de middel
nie de koudsten, nie de hotsten, nie meer dan gemiddeld
da's wa da'je zyt en je val nie op
want j'n armes zyn te kort voe te boksen met god
zit j'etwoaschen tuschen in ?, we zitten doa met veele
met elk z'n problem, en niks te beleven
we bluven moa zoeken noar iets da we nie vindn
we zeggen: 'tis ok, moar zou'n willen beter zyn
we lopen al avooren in de puppestoet
en we zyn al verloren moar we voelen us goed
nie te kalme, nie te wilde, en nie te enthousiast
nie te luide, nie te stille, moar ook nie meer dan da
je't er wel die zeggen da w'al gelykig zyn
da zyn meestal dee die veele beter zyn
en we zou'nt wel anders willen moar zien gin begin
't is einde is nie in zicht, etwoaschen tuschenin 


(c) De Nihilisten