'n Huijfkaartrektoch, zowwe veer goon make,
gans door 't land vaan de Tsjeche en Slowake.
De huijfkaar stopde, es de sterre straolde,
en veer de kwetsjbuul oet de wagel haolde.
's Aovens veur 't kampvuur, wat höbbe veer gesproonge,
de Tsjecheslowakeijers, höbbe-n-aoch nog mèt gezoonge.
Refrein:
Ach wat is 't leve sjoen, sjus wie de Bohemers doen,
gans door Tsjechoslowakeije, in de huijfkaar roond te reije,
ach wat is 't leve sjoen.
Gans door Tsjechoslowakeije, in de huijfkaar roond te reije,
sjus wie de Bohemers doen.

En 't Tsjechies ete, iech höb gegete,
Sjoen roei tematte mèt hiel väöl petatte.
Paprika en unne, vès zoonder graote,
en es dessèr 'nne koomp mèt rigolotte.
Slowakeijse hutspot, mèt e fris glaas beer deneve,
same in die huijfkaar, wat waor miech dat e leve !