aiglieks heb ik n verrekte hekel an van dij antwoordapperoaten 
en wa'k joe zeggen gai klinkt misschain wat verdocht 
krieg ik zo'n ding an liene din spring ik geliek op tilt 
mot toch: k heb miezulf ook aine kocht

'dit is t automatisch antwoordapperoat van Baflo Bill Wiersmoa 
ik bin der nait, ik zit even bie mien pa en moe 
moar geef mie joen noam en telefoonnummer moar, din bel k joe wel terug 
en spreek ik ook wat in, in dij van joe'

dreudelkonten en proatjeboksems, wat kin t sums gezelleg, hè 
moar nou even gain gejeuzel an mien kop 
veur flepsjijkers en fleerputen en zoesklötten en tjaauwels 
nou moar even t antwoordapperoat erop

zemelkonten en zoegers, joe magen mie apmoal bellen 
t apperoat staait aan en zegt: ik bin naait toes 
aine keer is t woar, moar aander keer mout k tougeven 
speul ik misschain gewoon even dizze blues


(c) P. De Haan