Nooit meer zo as vroager,nooit meer zo as dou
Nooit meer zo as vrouger, wat gait de tied toch gaauw
Nooit meer zo as vroager, nooit meer zo as toun
Nooit meer zo as vrouger, kon k het mor ainmoal overdoun 

Hou kon ik waiten dat tied zo gaauw zol goan
En dat de toukomst ook veur ons zol stoan
Neem mie bie dien hand vast en wandel mit mie net as toun
Soamen noar een toukomst dei wie geern weer overdoun 

Voetballen noa schoaltied, zwemmen ien t kenoal
Stoeien ien n hooibaarg, mit zien allen aan de hoal
Tikkertje op t schoalplain,dei tikt wer was de klös
Was ik mor weer jong joa, den leefde ik der weer op lös 

Hou kon ik waiten dat tied zo gaauw zol goan
En dat de toukomst ook veur ons zol stoan
Neem mie bie dien hand vast en wandel mit mie net as toun
Soamen noar een toukomst dei wie geern weer overdoun 

Ik dronk mien eerste pilsje, mien jeugd dei haar ik had
Ik haar mien eerste ofsproak, mit n wichje oet mien klas
Op n bankje ien t bos kreeg ik mien eerste smok
En deurde t nog mor even, dou zat mien jeugd der op 

Hou kon ik waiten dat tied zo gaauw zol goan
En dat de toukomst ook veur ons zol stoan
Neem mie bie dien hand vast en wandel mit mie net as toun
Soamen noar een toukomst dei wie geern weer overdoun 

En zo ging ik trouwen, mien aigen toukomst bouwen
Een keerpunt ien mien leven, de jeugd wat wast mor even
Wie goan noa ons aigen weg, woarhen wat kin t schelen
Besef wel ast weerom kiekst, ook de toukomst duurt mor even 

Hou kon ik waiten dat tied zo gaauw zol goan
En dat de toukomst ook veur ons zol stoan
Neem mie bie dien hand vast en wandel mit mie net as toun
Soamen noar een toukomst dei wie geern weer overdoun 

(tekst Bert Schaap)