Kumm loss de Hacke fleeje 
un dun dich jet bewäje 
dun de Bein us de Fott 
un de Sorje ussem Kopp
kumm loss de Hacke fleeje
un dun dich jet bewäje
wenn de danze kanns , 
leeve Pitter, leeve Franz
let´s dance, let´s dance, let´s danz  

Dinge Pool un di Päd riess kein Frau an de Äd
domet han die Schöss nix am Hoot
Do häs Jeld un e Huus , un bes trotzdem en Muus
wat d´r fählt , es Peffer em Bloot
Wenn de Musik dich hibbelich mät
un de Fott en Bewäjung jeröt
dann bes do eetste Wahl , ob de klein oder schmal
Wenn de danze kanns , es dat ejal 

Kumm loss de Hacke fleeje
un dun dich jet bewäje 
dun de Bein us de Fott 
un de Sorje ussem Kopp
kumm loss de Hacke fleeje
un dun dich jet bewäje
wenn de danze kanns , 
leeve Pitter, leeve Franz
let´s dance, let´s dance, let´s danz  

Do häs Stress wie beklopp , nur Sorje em Kopp
jeden Dach steit jet andres om Spill
Do schlöcks alles eraf , un dann bes de jeschaff 
wat d´r fählt, es e richtich Ventill
Loss dich drieve , un bes nit bedröv
Loss dich jon , wenn de Musik dich röf
un dann danz dä Ärjer einfach erus,
un met dem Fruss es Schluss!

Du häs e Knacke em Nacke, dat trick bes en de Backe
vun do us en de Knee, un erunder en de Hacke
Dann jöck et en de Fööss, dann zuck et en de Bein
Loss dich jon un dä Ress kütt vun janz allein