khoya-khoya chanda khoe-kho_e taare 

so gaye tu bhi so ja chaand hamaare  -2 

khoya-khoya chanda ... 



o o leke jaadu ki chhadi aai sapanon ki pari 

roop-nagari mein tujhe chhod aayegi abhi 

hai vo sapanon ka jahaan ik mela hai vahaan 

des-pardes ke bachche chale vahaan 

neele aakaash ki ganga ke kinaare 

khoya-khoya chanda ... 



jhoola chaandi ka pada heere-pannon se jada 

reshami dor bandhi jhoolega laal mera 

jab bhi tu peeng bhare ja ke baadal ko chhue 

chhoole bijali ko to vo khilakhila pade 

aur chhup jaaye kaheen laaj ke maare 

khoya-khoya chanda ... 



kaheen koi geet gaaye koi banshi bajaaye 

aur koi dhol lie dhin-dhin tak sunaaye 

sab pe ik rang pade koi bhi bach na sake 

pyaar aur milaap ka gulaal yoon ude 

hil-mil ke koi jeete koi haare 

khoya-khoya chanda ...