k Was noa laange tied weer trug
Bie t brugje op Zieldiek
Veraanderd is der aiglieks niks
t Landschop nog even riek
De leste moal dat is drij joar heer
Ik wait dat nog hail goud
t Was de mooiste dag van mien leven
Dou k heur doar heb ontmout

Ik denk weer trug aan t brugje
In tieden as t minder gaait
k Goa geliek mie aanders vuilen
Je nuimen zoks wènsteghaid
Dat plekje doar in t Hoge Noorden
Vergeten dat lukt mie nait
k Loop over t brugje en zai t stee
Woar heur noam in leunen staait

Zai kwam op fietse oet Nijlaand 
En ik dij dag oet t Zaand
En midden op t brugje op Zieldiek
Ston zai mit n lekke baand
Zo kwam k mit heur dou aan deproat
En k heb heur fietse moakt
Koiert soamen t diekje laangs
En hebben hail mirreg smokt

Dou k heur op n dag wol bellen
Kreeg k moar gain geheur
En aan heur hoes doar staait nou
n Vremde noam op deur
t Verleden vergeten dat lukt mie nait
k Heb heur foto nog aan waand
Zai staait bie t brugje op Zieldiek
Noast heur fietse mit n lekke baand 


Tekst en Muziek: Age van der Velde