Op n zundagoavend kwat noa zeuven
Belde Moeke "kom gaauw
Pabbe is min, kom gaauw noar hoes
Omdak t nait vertraauw"

Binnen t ketaaier bie t olderliek hoes
Moeke bedoesd op baank
Schudde kop, "hai redt t nait
t Duurt nait meer laank"

"Pabbe hol vol, je mag nait goan
k Heb je neudeg, t is te vroug 
Ik heb nog zoveul te vertellen aan joe
Geef mie tied tot mörgenvroug"

In t zaikenhoes aankomen, nog n bedie hoop
Mor aigenliek wos ik t al wel
Mien beste vrund en voader was nait meer
t Ging veul te snel

Nog elke dag denk ik aan hom
Al is t al n laange tied leden
De laifde en t vertraauwen dat hai mie gaf
Komen trug in mien gebeden

"Pabbe hol vol, der komt n dag
Din schient veur aiweg de zun
Ik heb nog zoveul te vertellen aan joe
We moaken een hail nij begun 


Tekst en muziek: Age van der Velde