Age Van Der Velde

Age Van Der Velde - k dreum mie riek

Your rating:
k Dou mit aan n grode lötterij
En k lig al op mien bèr
As Hennie Hoesman veur deure staait
En zegt: "joe binnen miljonair"
k Wor doezelg en mizzelk tougelieks
t Is nait te geleuven
Zo gain rempel en din in ainen
Heb ik n miljoun of zeuven 

Mor din wor k wakker, boadend in t swait
k Lig noast bèrre op de grond
k Heb nog noeit zo ruier dreumd
Mien kop dij tolt in t rond

k Kocht mie n schier hoes veur n tun of negen
Mit tien bunder laand der bie
Duroabel peerd heb k op peerstaal stoan
Woar k òf en tou op rie
Chauffeur en n toenman heb k in dainst
n Maaid woont bie mie in
Bie mie thoes is t aaltied feest
Mit kaviaar, wodka, gin

Mor k zeg tegen miezulf: "bist riek genog
k Huif gain auto mit chauffeur
k Heb n schier hoes mit n lutje hieptaik
En n toentje veur mien deur
Ook n duroabel peerd dat huif ik nait
k Heb al n laive hond
En k lus haildal gain kaviaar
Geef mie mor boneklont"

Mor din wor k wakker van telefoon
Wel kin dat weden, wel is der veur
t Is Hennie Hoesman dij mie zegt: 
"Excuus, k was aan verkeerde deur" 


Tekst en muziek: Age van der Velde
Get this song at:
bol.com
amazon.com

Copyrights:

Author: ?

Composer: ?

Publisher: ?

Details:

Language: Dutch

Appearing on: De Tied Ontvlucht (1998)

Share your thoughts

This form is protected by reCAPTCHA and the Google Privacy Policy and Terms of Service apply.

0 Comments found