As ik smörgens om vief uur opstoan mout
Staait joegel al veur mie kloar
Twij plakkies stoet van drij weken old
Mit deurregen spek zowoar
n Glas zoepen nog noa en ekstroa zuit
"t Is goud veur daarms" zegt Stien
Tien scheppies sukker en moar ruiern
En dat wegspuilen mit azien
            
Toch zel ik die noeit willen missen
Al is dien kookkunst gain sukses
Verhongeren zel ik bie die noeit
Doe blifst mien keukenprinses

Smirregs schoft, k goa noar hoes
Waarm eten staait veur mie kloar
Eerappels aanbrand, soep te zolt
Gehakbale haalf goar
Drijmoal in week is t n bedie feest
Ik krieg din pudding noa
Mit dreuge proemen en appelstroop
In lietjelaauwe sukkeloa

Soavends op hoes aan, ik vroag mie òf
Wat mie dommit veur zet wort
Mainsttied is het n petatje mit n 
Haalf pond leverworst
k Goa geleuf ik mor nait eten
Mien daarms stoan nog in n boog
Als ik mout boeren komt mie nog aal
t Deurregen spek omhoog


Tekst en muziek: Age van der Velde.