k Heurde mien moe zeggen tegen mien pa			 
“Ons jong wil toavend oet in Appelscha” 			
“Dij t dut, mout t waiten” zee pa, “mor gain gezoes,		 
Hai mout ter om denken, twaalf uur thoes” 			
As ik de tied ais stoppen kon 			
Wat zol dat mooi weden as k dat kon				 
k Was soamen mit t wicht allinneg thoes			
Vrummelde wat knopen lös van heur bloes
Dou keek ze op klok “verrek, is t al zo loat”
En veurdak ter aarg in haar, ston ik op stroat
As ik de tied ais stoppen kon
Wat zol dat mooi weden as k dat kon

Refraain:					 
Gain uren meer in de file stoan			
Traain dij ridt op tied					
Je noeit meer òfvroagen huiven 				  
“Kom k nait te loat, 					
Bin k wel op tied”						

d’Ain zegt dit, d’aander dat				
k Bin aal dat gezoes al tieden zat				
As ik de tied ais stoppen kon			
Wat zol dat mooi weden as k dat kon			
As ik de tied ais stoppen kon			
Wat zol dat mooi weden as k dat kon				 
Doags op TV en in kraant wort je verteld			
Alles wat je doun vandoag de dag, draait om geld
Ze zeggen “t is de tied”, mor nait dij, dij ik wil
Haar k het veur t zeggen, zette ik de tied stil
As ik de tied ais stoppen kon
Wat zol dat mooi weden as k dat kon
As ik de tied ais stoppen kon			
Wat zol dat mooi weden as k dat kon.