Tzat er lange an te komn
Een poar joar geleden
Kwam ze binn in zyn lévn
Ie at er voarn gebeden

Werklek een hjèl schoon kind
Van een deftige familie
Em ging zynne stiel veranderd
En zy eur domicilie

De voekn sproeng der vanaf ton
Dikwijls of
Ik ben nie tégn passioneel
Integendeel kzienge lof

Mor ik moete wel lyk zegn
Ti nie mjè hjèl tzelfde
Ie kloenk een bitje benowd
Ot ie up een oavend belde

Kèrel ik ben dood content
Tbeste dat er mie koste overkomn
Ké wel moeite voe te oasmen 
En ik wéte nie woarom

Kèrel ik ben dood content
Tbeste dat er mie koste overkomn
Kvoele mie soms wel onzeker
En ik wéte nie woarom

Ietske minder up café
Dikwijls geweun thus
Ietske minder pintjes drinken
Ietske rechter noar us

Meiskes kiekt ie nie mjè noa
Want zèt da nie geirn
Ti nie da ze em nietn gunt
Mo ze kan et echt nie èren

Kèrel ik ben dood content
Tbeste dat er mie koste overkomn
Ké wel moeite voe te oasmen 
En ik wéte nie woarom

Kèrel ik ben dood content
Tbeste dat er mie koste overkomn
Kvoele mie soms wel onzeker
En ik wéte nie woarom

Weken, moanden, een hjèl joar
Vliegn rap voorby
En ik ore em wa minder
Mo hey dat oort er by

Tzat er lange an te komn
En een poar doagn geleden
Èt ie zyn bazatse gepakt
Waddn der voorn gebeden

Kèrel ik ben hjèl kapot
Tmoeste juste mie were overkomn
Mo ik voele mie vele lichter
En ik wete wel woarom

Kèrel ik ben hjèl kapot
Tmoeste juste mie were overkomn
Mo ik voele mie vele lichter
En ik wete wel woarom

Kwete wel woarom