BAP

BAP - Amerika lyrics

Your rating:
1)
Su sinn se also uss, die Kääls,
luhr ens, ene Nejer hann se och dobei!
Luhr ens op dämm Panzer dä,
wenn et huh kütt, ess dä achzehn, dä hätt uns befreit!
Vüür dänne hann se uns jewarnt,
wiesu hammer bloß ahn all dä Driss jejläuv?
Die Junge hann jet durchjemaat,
vum Kanal bess her ess wigg, wemmer durch Mine läuf.
Wo die herkumme ess jetz Naach,
die schloofe jetz noch öm die Zick, jenseits vum Ozean.
Die hann Hühser, hüher als dä Dom,
do läuf dä janzen Daach nur Jazz em Radio.

Refr.:
Et heiß, do wöhr jeder glisch,
ejal, ob ärm oder risch - Amerika
un do kräät jeder sing Chance,
e Paradies vun nem Land - Amerika

2)
Nä, Amis he en unserer Strooß
Jetz saach nit, du hätts et vun Ahnfang ahn jewoss.
" He , Mister, hässte Schokolaad? "
Die Kinder hann ihr Angs als eezte affjelaat un se ahnjeschwaad.
Wat jööv ich für en Lucky Strike!
Ich rauche nur noch Strüh, sick ner Ewigkeit.
Wohl dämm, dä su ne Kreech jewennt,
denn dä kann Fraue hann für paar Nylonströmp.
Wo die herkumme hann se et joot,
do woor kein einzije Stadt je vun ner Bomb bedroht.
Do drövve stonn all Hühser noch,
do weed jeder satt, weed jede Meddaach wärm jekoch.

Refr.:
Et heiß, do wöhr jeder glisch,
ejal, ob ärm oder risch - Amerika
un do kräät jeder sing Chance,
e Paradies vun nem Land - Amerika.
Get this song at:
bol.com
amazon.com

Copyrights:

Author: Wolfgang Niedecken

Composer: Klaus Heuser

Publisher: Wolfgang Niedecken

Details:

Released in: 1996

Language: German

Appearing on: Amerika (1996) , Dreimal Zehn Jahre (2005)

Share your thoughts

This form is protected by reCAPTCHA and the Google Privacy Policy and Terms of Service apply.

0 Comments found