Ik kom van links, hae kump van rechs
we wille allebei rechdoor
dus det wuurt buige, braeke, bartse of ein hand
maar compromisse zien veur mietjes
en gebuig det da is veur rietjes
ik kiék nuet; en dauw um in 't zand
Einen dauw is neet genôg
al snak-e oétgeteld nao lôch
Hae steit weer op en balt zien voés
Mien argumente raake op en baff
hae hauwt mich op de kop, noow zit d'r
blood en baom aan mienen bloés

de wiéze wäörd die ik citeer
verlaere (wie ik auk probeer)
Al eur zeggingskrach en ik weit wao 't aan leet:
zien elders barste van de pieke maar vergaete eur klassieke
Hae's van rechs, dus laeze kint-e neet
Maar vechte deste miér en veur de
ach-en-tigste kiër
Hauwt hae mich vol met loëje voéste in mien mörf
As det zoë doorgeit dan verlaer ik
zônder det ik discussieer
van deze broénhaemparodie op Billie Törf
't geit loos, ' geit loos

Ik zeen 't dreije um mich haer
't liékene fieftig glaazer baer
Maar 't zien huegstes twelf klappe op mien wang
al is d'n twelfde dan net d'r eine miér
as waat ik red, en 't wuurt zwart en ik huer Ingelegezang
de kômmende veer oor heat rechs heej veurrang, det is zoor
maar as ik wakker waer dan blaos ik de reveille,
dan staon ik op en stop met baale,
zing d'n internationale
idderein dae auk van links kump zingk dan mei
('t geit loos)