Het Zesde Metaal

Het Zesde Metaal - Ge zwiegt lyrics

Your rating:
'k Probeer u te vergeten
maar 'k wete nog perfect waar da je stond
ik zochte naar uw lippen
maar gie hield uwe mond

‘k Ha de bizze nie zien hangen
'k wa der niet echt ip gekleed
'k bleve zitten, ik weet nie hoe lang' en
'k e uw woorden uitgezweet
we gingen andere wegen
nat van de regen

'k Kan het nog moeilijk geloven
e 'k der iets ip gedaan
dat het vier zo rap kost doven
of es 't nooit echt aangegaan
ik kan der niet tegen
die vragen waarom
't es vissen naar redens
hoe dat het komt

Ge zwiegt omda j' de dingen nie kunt
benoem'n of uit verdriet
de woorden zijn met veel te veel
ge krieg ze deur uw kele niet
ge zwiegt omda j' de dingen nie kunt
benoem'n of uit verdriet
ge zoekt hoe da je 't zeer verzacht
maar oplossingen zijn der simpel niet

In 't begun sprong je nog binnen
een bitje 'lijk ne goeie maat
tot min spijt e 'k ondervonden
dat zelfs da ook overgaat
en den tijd es ne genezer
maar ons trokt ie uit mekaar
gasten 'lijk Jezus zijn verrezen
maar ik spele da nie klaar
ik kan der niet tegen
die vragen waarom
't es vissen naar redens
hoe dat het komt

Ge zwiegt omda j' de dingen nie kunt
benoem'n of uit verdriet
de woorden zijn met veel te veel
ge krieg ze deur uw kele niet
ge zwiegt omda j' de dingen nie kunt
benoem'n of uit verdriet
ge zoekt hoe da je 't zeer verzacht
maar oplossingen zijn der simpel niet

En a' 't voorkomt da 'k geneze
da 'k iemand anders e
da 'k in uw brieven nie langer meer leze
wuk da j' nooit geschreven et
gaan w' ton iets gaan eten
zeggen da we 't verstaan
en 't tuope vergeten
ons laten gaan

Ge zwiegt omda j' de dingen nie kunt
benoem'n of uit verdriet
de woorden zijn met veel te veel
ge krieg ze deur uw kele niet
ge zwiegt omda j' de dingen nie kunt
benoem'n of uit verdriet
ge zoekt hoe da je 't zeer verzacht
maar oplossingen zijn zo simpel niet
Get this song at:
bol.com
amazon.com

Copyrights:

Author: Het Zesde Metaal

Composer: Wannes Cappelle

Publisher: Het Zesde Metaal, Unday Records

Details:

Released in: 2012

Language: Dutch

Translations: Dutch

Appearing on: Ploegsteert (2012) , Het beste metaal (2018)

Share your thoughts

This form is protected by reCAPTCHA and the Google Privacy Policy and Terms of Service apply.

0 Comments found