Ede Staal

Ede Staal
Genoat

Genoat...genoat...zo klonk het vrouger in de stroaten,
Genoat...k heb mooie dikke, t gaait per kop,
Genoat...as ik ze zai din kin t nait loaten,
Ik neem n stuk of wat in d'haand,
De toavel leeg, op t zwilk n kraant,
En onder t doppen eet k ze aal op.

k Zai hom nog rieden met zien witte jaske,
En op zien kop n klep-pet van formoat,
En in de verte heurde je hom al belken,
En ik noar moeke: heur es, is genoat!
Din mit n kom de deur oet over t brugje,
Doar kwam e aan, moi zee ik, geern vol,
Din zaten wie gezelleg in d'ol keuken,
Wel dat nog mitmoakt het, dij wait woar ik van hol.

Genoat...lutje juweeltjes van de zee├źn,
Genoat...was ik mor traauwd mit n zeemeermin,
Genoat...wait ie wat mien olden destieds deden,
De doppen werden altied dreugd,
Ik roek de lucht nog oet mien jeugd:
n Handjevol bie d'hounder in.

Op zundagmiddag even noar Termunten,
Of as k op t Hogelaand bin even noar Lauwersoog,
Din koop ik mie n lekkere zolde heern,
Pak hom bie staartje: kop gaait wat omhoog.
Hai glee noar binne, o man wat smouk e lekker,
Din moutve op hoes aan want t wordt al loat,
En onderwegens t gekwedel van mien Gittje,
Mor in de kaddebak n dikke puut genoat...

Bert Hoorn

Submitted by Bert Hoorn at Sun 12 Mar, 2006 6:50 pm

delightyourears

Last updated by delightyourears at Wed 16 Jan, 2019 5:51 pm

Author: Ede Staal
Composer: Ede Staal
Publisher: Mollebone Music
Published in: 1984
Language: Dutch
Available on: Mien toentje (1984)
Also available in: Dutch

Reactions

CommonCrawl [Bot]

Follow Muzikum