Ede Staal

Ede Staal - Vrouger lyrics

Your rating:
Wel het nait van vrouger n dörp of n stad,
n Noam dij joe n haile bult zegt,
Doar speulde je as kind in joen wereldje klaain,
Al dreumend kom je doar voak terecht.
Veur d'ain is t Ol-Pekel, Nij-Scheemde, Zuudbrouk,
Veur d'aander is t Beem, Menskeweer,
Of Sodom, Veendam, Hoogezand of Delfziel,
t Ol stee dat vergeet je nait weer.

   Vrouger, vrouger,
Wat gaait de tied toch vlug,
Pas as ie older worden,
Ja, din komt alles terug

t Geluk van joen jeugd goa je loater pas zain,
Dus aiglieks bin je altied te loat,
En as ie aargens binnen en t woord vrouger dat vaalt,
Din kom je al snel aan de proat.
Toun smouk n glas ranja as nou jus d'orange,
Hing t Nijsblad van t Noorden op de plee,
Op zundag n poar sauskes, dat waren onze chips,
Ja aiglieks waren we hail gaauw tevree.
  
   Vrouger, vrouger,
Wat gaait de tied toch vlug,
Pas as ie older worden,
Ja, din komt alles terug

Ik zulf kom oet Lains, mit de Wier en Diekstil,
Verhildersum, d'iesboan en Stört,
Mor k zit op de proatstoul, dat zel k joe bespoaren,
Want ik kom toch al tied tekört.
Toun aten we nog povverd en bonen oet de weck,
Selvera's zongen nog live,
Toun zeden wie nait: je bent me d'r één,
Wie zeden gewoon: bist n slaif.

   Vrouger, vrouger,
Wat gaait de tied toch vlug,
Pas as ie older worden,
Ja, din komt alles terug
Get this song at:
bol.com
amazon.com

Copyrights:

Author: Ede Staal

Composer: Ede Staal

Publisher: Marista

Details:

Released in: 2004

Language: Dutch

Appearing on: Mien toentje (1984)

Share your thoughts

This form is protected by reCAPTCHA and the Google Privacy Policy and Terms of Service apply.

0 Comments found