Toon Hermans

Toon Hermans
In 't graas van de wei

In 't graas van de wei
Höbbe veer same gevried
En 't graas waar zo werm
En 't veldj waar zo wied
En zo sjoon waar 't waer
En zo zach zòng de wèndj
En ich hauw dich zo gaer
Leif kèndj

Es ich neit mee zèng
Brèng mich dan mer nao hoes
Brèng mich trök nao mie landj
Dao vuil ich mich thoes
Bie zo'n eppelebömke
Es 't bluit in de mei
En ich plök dich e blömke
In 't graas van de wei

En wurt 't dan kawd
Es 't sjniet aan mien roet
Kump 't lètste kómplet
En mie leidje is oet
Dan lik op 't veldj
Die sjneewitte sjprei
En dan lèk ich mich neier
In 't graas van de wei

chatvriendschap

Submitted by chatvriendschap at Mon 22 May, 2006 3:40 pm

Ralph Schaeken

Last updated by Ralph Schaeken at Fri 02 Aug, 2013 1:17 pm

Author: Toon Hermans
Composer: Toon Hermans
Publisher: EMI Music Netherlands BV

Reactions

CommonCrawl [Bot]

Follow Muzikum