vroag een Grunneger boer, net geliek vee of baauw
woar goan joe dit joar mit vekaanzie noar tou
din zeg e: k heb te drok of ik heb t nait zo dik
moar belangriekste reden dij joe heuren denk ik
is dat prachtige Grunneger laand dus wat mout
ik as boer op vekaanzie want ik heb t hier ja goud

as vekaanziebestemming zo ain moal in t joar
is Middellandse Zee nog net nait zo roar
moar as ik den bie ons over Waddenzee stoar
of op fietse deur n gele zee koolzoadvelden voar
of an t snouken bin an t Westerwietwerdermoar
den denk ik bie miezulf: kloar

de gemiddelde Grunneger wil gain gezoes
dij komt echt nait mit drij, vaaier kilo folders in hoes
sloager oet Stainstilstroade scheurt noar t Schildmeer
en zet bie Boei 12 - hup! zien caravan neer
ietsmoaker oet Stad moakt het ook nait te dol
stait elk joar mit zien tent even veurbie Potjewol

al bin ik vergruid mit het Kolle Gat
Grand Canyon liekt mie ook wel wat
k bin in Zuud Frankriek en op Corsica west
en k heb mie best vernuverd in Zuud Engeland lest
moar d'allermooiste tocht dij ik ooit ondernam
was op t fietske van Stad noar Waarffum over Onderdendam


(c) P. de Haan/ F.J. den Hollander

  • tauzefien

    Submitted by

    tauzefien at Fri 19 Nov, 2004 1:00 am

  • <
Copyrights
Author: ?
Composer: ?
Publisher: ?
Lyrics may be published All lyrics and other info from this band may be published on our site
More details
Language: Afrikaans
Available on: De Bende Van Baflo Bill (1991)

Reactions

CommonCrawl [Bot]

Follow Muzikum