zworte piet zat garantie were an de wiet
want van ol ’t geen damme vroegn klopt’r’in t hele were niet
‘k stoan ier met drie goocheldoozn
en ’t gene dan’k gevraagd en etn geleverd bie mien koozn
zworte piet zat garantie were an de wiet
oe kan da nu zien dat sientnekloai da nie ziet

of meschiens zat zworte piet heel zwoar in d’n drank
want roend uus speelgoed oenkt’r e vreselijke stank
en in de keukn stoend’r e lege flasche gin
mo da kan ook van mien voader zien
zworte piet zat verzekers zwoar in d’n drank
en ’t is over ‘t algemeen ne neestiegoard pertank

van tiene neegn a zworte piet zien bril nie an
van ol damme gevraagd en ’t klopt niet doarvan
’t stoend pertank schone upgeschreevn
mo n’ed ollene mo verkeerde diengn gegeevn
meschiens at’n em zien bril wel an
mo me vraagn uus toen wel of of dat’n wel lezen kan

mor ommeki ’t kwam uut zworte piet was nie mee
ne was niet in recupe en ook nie in congé
sientnekloai is heel ollene up roende gewist
en doardeure et’n em heel den tied gefoefeld en gemist
en oj gieder nu vraagt worom wos zworte piet niet mee
wel ’t was stakieng bie de pietn, voe minder werkdruk en meer pree