De regerink riep memoeten simpelweg gewoon meer exportere
Mo zo zere of teln woarn die stroentboaten uut rusland doar were
Ach ol die dwoaze voorsteln, wo bluuvn ze ze toch aaln
Lik die condoomcheques goj doar ook up restaurant mee kunn betaaln?

De begroting zei de minister, is weer hele in evenwicht
Ol is de spoarpot van Belgacom, nu toch wel e twots verlicht
Europees gezien zein ze, doet uus land dat nie zo slicht
Mo peinzn ze zieder nu werklijk echt dat limburg in europa nie ligt

en ol die joenge politica’s die zere komn en nog zidder goan
met diploma’s die volgens de journalistn, in ’t hele nie bestoan
ach gift toe, de politiek doar kuj joen echt nie mee verveeln
en subiets kriegn m’ier meschiens ook nog wien wit d’olympische speeln

En wat is d’er doar toch in de politiek ol an’t gebeurn
’t zien oast ollemale acteurs bv’s en stripfigeuren
lik in America met schwarzenegger, is dat de nieuwe trend
be joat Bart simpson is toch ook boas hier in uus vlams parlement

d’er hangen in Zaventem nog oltiet vele vliegers in the air
en dien oorlog in Irak was surtoet ’t gedacht van Bush en Blair
Laurent zei oui teegn Claire, eh bien voilà zei père Gilbert
En david achterespe kreeg uuteindlijk ook nog zien transfer

en oe dieper dat den pit is oj failliet grakt als bv
oe grodder dat de kans’is daj e reeks kriegt up d’n tv
En daj moet uppass’n oj tezere smoorrieke wilt kommn
want de rijke hoed em stief dikwijls nogal moatig van den domn

die visa koarten in antwerpen dat voene ‘k ik overdreevn
’t vlees is zwak hé, en surtout gegeevn is gegeevn
de n’een achter d’n anderen viel doar weg ol boovn an ‘n top
tja da’s geweetn ne vis begunt oltiet te stienkn an de kop

Wat dat henin betreft eurn upslag is meer dan goed voe mien
Mor eurnen uutslag doar zoenk ik toch niet echt gerust in zien
En uze kim, ik zien benauwd dat ze zie ommeki go scheurn
Gosse zie echt heel eur carrière zo indlijks wied bluuvn speurn

het kind heet gabriel, zei filip met e stemme vul oentraasche
en hij leeft op hele grote voet, dus dat belooft voe de dotatie
och worom meugt uus keuningshuus van de staatskasse niet snoepen
ze kriegn ol tope zelfs nog minder dan d’oentslagpremie van schouppen

D’er was vandejoare toen toch ook nog een verrassing van formaat
Me wonn oast eurosong met e liedje die feitlijk nowwers over goat
en nu gonk stopn en ‘k komn doar echt niet mir up were si dedju
ik zienk k’ik mario declerck niet wi, of museeuw, of brigitte becue

’t e rap gegoan t e rap gegoan te rap gegoan
t’ et echt niet stille gestoan
’t e rap gegoan t e rap gegoan
t’et indlijks rap gegoan
zo rap zo rap
Mo vint e da were rap gegoan.