Bie n’ eur computer enz’ooit eki woater gezet
Zo dasse kon surfen up ’t internet
en e potje typex , voer eurn foutn up ’t scherm te corrigeren
ze gaavn eur tembers voer e fax te verzendn
ze lietn eur beln no de facteur ot’n eur emails mee gienk en
ze zoendn eur ooit me lege flaschen no de stoasje voe ’t leeggoed ‘t incasseren

da vienk  ‘ik echt flow	da zien toch triestiege diengn
da vienk ik heel flow		dass’ulder nie kunn bedwiengn
‘k kun doar nie over		Dasse mien meisje plaagn 
Omdasse bloend is

da vienk  ‘ik echt flow	dasse met eur ezo leurn
da vienk ik heel flow		ze zoet eur oar beter kleurn
’t got toen gedoan zien	Ze gon toen nie mi moetn peizn
Dasse roend is

Z’n z’ooit e seule zoender gat doen vuln
Z’en z’ooit eur krultange doen meebringn voe sala te kruln
Z’en z’ooit tien euro doen betaaln voe Manneke Pis zien prostoat-operoasje
z’en z’ in eur pyjama no de nachtwinkel doen loopn
en voe gezoender te kunn zunn en z’eur doen becelolie koopn
ze dein eur binnengoan bien dokteur heel in eur blootn voer e griepvaccinatie

da vienk  ‘ik echt flow	da zien toch triestiege diengn
da vienk ik heel flow		dass’ulder nie kunn bedwiengn
‘k kun doar nie over		Dasse mien meisje plaagn 
Omdasse bloend is

da vienk  ‘ik echt flow	dasse met eur ezo leurn
da vienk ik heel flow		ze zoed eur oar beter kleurn
’t got toen gedoan zien	Ze gon toen nie mi moetn peizn
Dasse roend is
Omdasse bloend is

da vienk  ‘ik echt flow	da k’unk ik echt nie mi éren
da vienk ik heel flow		dass’ulder doarmee geneern
‘k kun doar nie over		Dasse mien meisje plaagn 
Omdasse bloend is
osse ze zie mo gezond is.

da vienk  ‘ik echt flow	dass’eur ezo koeioneern
da vienk ik heel flow		dass’ eur ezo affronteern
‘k kun doar nie over		Dasse mien meisje plaagn 
Omdasse bloend is